Cricket fans ke liye aaj ka din behad romanchak raha! India aur Sri Lanka ke beech Asia Cup 2025 ka Super Four match, jo ek “dead rubber” maana ja raha tha, ek aisi thriller sabit hui jise saalon tak yaad rakha jayega. Dubai International Cricket Stadium mein khela gaya yeh match tie ho gaya, aur aakhir mein India ne Super Over mein jeet haasil ki.
India pehle hi Pakistan ke khilaf final ke liye qualify kar chuka tha, isliye is match ka nateeja tournament par asar nahi dalne wala tha, lekin dono teams ne jeet ke liye apni poori jaan laga di
India Stayed Unbeaten, Lekin Sri Lanka Ne Di Warning Bell
India vs Sri Lanka Live Score, Asia Cup 2025, IND vs SL: Finally ab hum saans le sakte hain! Is match mein itna kuch ho gaya ki fans ki heartbeat hi badh gayi thi. Pathum Nissanka ne shandar innings kheli, aur lagta hai unhe hi Player of the Match diya jayega. Last over mein wo unfortunate tareeke se out hue, warna kahani kuch aur hoti. India ke liye yeh ek badi warning thi—fielding sloppy rahi aur jeet ke liye thoda luck ka bhi sahara lena pada. Ab Sunday ko jab wapas ayenge, toh Team India ko aur zyada sharp rehna padega.
India Ki Tufani Ballebaazi: Abhishek Sharma Ka Kamaal
Sri Lanka ke captain Charith Asalanka ne toss jeetkar pehle bowling karne ka faisla kiya. India ki shuruaat zabardast rahi, jismein yuva opener Abhishek Sharma ne ek baar fir apni power-hitting ka pradarshan kiya.
- Abhishek Sharma ne sirf 31 balls mein 61 runs ki tufani paari kheli.
- Apni is paari ke dauran, Abhishek T20 Asia Cup ke ek edition mein sabse zyada run banane wale ballebaaz ban gaye; unhone Virat Kohli aur Mohammad Rizwan ko peeche chhod diya.
- Tilak Varma ne 49 runs ki not-out paari kheli aur Sanju Samson ne bhi 39 runs ka mahatvapurna yogdaan diya.
- In zabardast paariyon ki badaulat, India ne 20 overs mein 202/5 ka vishaal score khada kiya, jo is Asia Cup ka pehla 200+ score tha.a
Sri Lanka Ka Karara Jawaab: Pathum Nissanka Ka Shatak
203 runs ke lakshya ka peecha karte hue Sri Lanka ne bhi haar nahi maani. Unke opener Pathum Nissanka ne shuruaat se hi aakramak rukh apnaya aur Bhaartiya gendbaazon par dabaav banaya.
- Nissanka ne ek shandaar century lagayi aur 103 runs banaye. Yeh is Asia Cup 2025 ka pehla shatak tha.
- Match aakhiri over tak gaya, jahan Sri Lanka ko jeet ke liye 12 runs chahiye the. Aakhiri over mein drama charam par tha, aur match tie ho gaya.
Super Over Ka Romance: India Ne Maari Baazi
Match tie hone ke baad nateeja Super Over se nikla. Sri Lanka ki team pressure mein bikhar gayi, jabki Suryakumar Yadav ki captani wali Team India ne shaant rehte hue jeet apne naam kar li. India ne Super Over mein 2 wickets se jeet darj ki.
Yeh jeet final se pehle Team India ke liye ek perfect dress rehearsal saabit hui, jahan unka muqabla arch-rivals Pakistan se hoga
